小心陷阱 HOW SMART YOU ARE?from
Facebook 上有一個名為 How smart you are? 的應用程式，建議大家千祈唔好玩，因為玩完就代表你同意接收佢哋提供的訊息服務，之後每個星期你就會收到兩個字頭501881的SMS，提供一啲無無謂 謂，垃垃圾圾的資訊，而不論你打開與否，就算將它delete，每個訊息盛惠$12，直到你收到手機月結單至會發現呢條數，打去客服問，佢哋會話呢條數只 係代Third party向你收取，其他一概不知，你要求終止？得！佢會畀一個電話你打去終止接收，而且非常順攤，話cut就cut完全冇問題，然而之前的幾十蚊就要焗 畀。事後睇番，How smart are you? 的頁面上果然有一行細字話每個訊息收費$12，另外亦教埋你點樣終止服務的方法，又係嗰句啦！啲字細到你唔留心，根本睇唔到，所以即使告到消委會都冇用， 畢意你襟同意掣嗰陣冇人搵槍指住你，你只可以話嗰間公司的做法有問題或者唔道德，但就偏偏咬佢哋唔入，衰咗就當跌咗錢咯。
其實呢種做法同形同欺騙，只係博你中招，你跌幾十蚊cut咗佢了事，佢就賺到你錢，全香港有幾百萬戶手機用戶，我當一千人有一個中招，每個平均唔見$50，咁嗰間公司已經賺到嘔，如果有啲人窮追猛打喊打喊殺佢哋咪退錢了事，但呢類人我估為數唔多咯！
網絡供應商同呢啲公司合作一齊掛鈎搵錢，或者呢啲公司根本係供應商自己開設（邊個知？），否則咁多人投訴點解仲同呢啲敗類合作屈自己啲客錢。One2free真係令人失望。
有時喺度諗，每個月出糧，總有一百幾十係畀呢啲手機或者網絡的資訊陷阱呃咗去，諗落真係好唔抵，但又無佢符，惟有自己小心啲啦！
最 後如果你收到501881字頭的短訊，表示你已經中招，$12蚊已經係最低消費，即刻reply一個STOP短訊，將損失減到最低。仲有聽聞舉凡係 50xxxxx字頭的短訊都係呢類衰嘢，我相信再係咁落去遲早好似傳銷電話咁變成社會問題，咁我哋呢個踢一踢至識郁一郁的政府至會開始做嘢，不過到嗰陣啲 奸商早已賺到盤滿砵滿，歎緊世界咯！
http://hk.myblog.yahoo.com/jw!R0E3F8eYHx.9Uts8e3b8VVl8/article?mid=1056
Comments:
blog comments powered by Disqus